Axar.az
Yuxarı

Əliyevlə iki dəfə görüşən Paşinyan anladı ki... – Belyayev

Ana səhifə Gündəm
12 Punto 14 Punto 16 Punto 18 Punto

Paşinyanın alternativsizliyi imkan verir ki, o, Qarabağda güzəştlərə getsin.

Axar.az xəbər verir ki, bu sözlər rusiyalı ekspert Mixail Belyayevin “Vestnik Kavkaza” saytında yayımlanan məqaləsində yer alıb.

“Siyasi rəqibləri şübhəli metodlarla ortadan qaldırmağına, aqressiv ritorikası və populizminə rəğmən bu gün Paşinyan ölkədə alternativi olmayan siyasətçiyə çevrilə bilib. O, yüksək legitimlik səviyyəsinə sahibdir və ölkənin idarə edilməsində bütün rıçaqlar nəzarətindədir. Bu ona imkan verir ki, ciddi daxili reformlar keçirsin və Dağlıq Qarabağın həllində kompromislərə getsin. Bu isə Ermənistanın Azərbaycan və Türkiyə ilə açıq sərhədlər şəraitində iqtisadi sıçrayış etməsi üçün lazımi potensialı təmin etməsinə gətirib çıxara bilər”, – deyə o bildirib.

O, Paşinyanın tezliklə daxili və xarici siyasətdəki kapitalından necə istifadə edəcəyi ilə bağlı çətin qərarlar verməli olacağını vurğulayıb.

Belyayev Paşinyanın oliqarx Qagik Çarukyanla sıx ittifaqının onun iqtisadiyyatda liberallaşmaya gedəcəyi vədlərini icra etməsiylə bağlı şübhələr yaratdığını deyib. Onun sözlərinə görə, daxili siyasətdəki yüksəki səviyyəli dəstəyi xarici siyasətdə dividentə çevirmək Paşinyan üçün çox çətin olacaq:

“Belə ki, Ermənistanın bunun üçün geosiyasi çəkisi yetərli deyil. Üstəlik, Azərbaycan Prezidenti İlham Əliyevlə iki dəfə görüşən Paşinyan anlayır ki, Qarabağ cəbhəsindəki hazırkı möhlət daim davam edə bilməz. Qarabağdakı vəziyyətlə bağlı danışıqlarda real inkişaf olmayacağı təqdirdə vəziyyət yenidən gərginləşəcək. Danışıqları uzatmaq taktikası və status-kvonun saxlanılması Köçəryən və Sərkisyan xəttinin təkrar edilməsidir. Qarabağ müharibəsi sayəsində özlərinə siyasi kariyera yaradan iki sələfindən fərqli olaraq Paşinyan öz uğurlarına görə müharibəyə borclu deyil və bunun üçün də müharibə partiyasını o təmsil etməli deyil.

Madrid prinsipləri bazasında kompromis qərar, yəni ilk mərhələdə regional iqtisadi əməkdaşlığa qoşularaq sərhədlərin açılmasına qarşılıq işğal edilmiş rayonlara əhalinin dönüşünün təmin edilməsi Dağlıq Qarabağda hərbi fəaliyyətlərin yenilənməsi riskinin minimuma endirilməsi və dayanıqlı iqtisadi artımı təmin etmək imkanıdır”.

Tarix
2018.12.11 / 13:34
Müəllif
İlkin Həsənov
Şərhlər
Digər xəbərlər

Erməni analarına deyin ki, itkilər daha çoxdur – Rusiyalı ekspert

"Le Temps": Azərbaycan Qarabağda məngənəsini sıxır

Misir mediasında Ermənistanın bu siyasəti ifşa edildi

Stalinin ermənilərə saxta vətən yaradan qərarı - Foto

Bu ölkədə olan tək azərbaycanlı: Dünya niyə biganədir?

İrəvan Putini hədələdi: Nikolay kimi ailəsi ilə birgə... - Şok

İrəvan Moskvanı münaqişəyə cəlb edə bilərdi - Professor

SSRİ-nin süqutundan sonra Qarabağ... - “Eleftheros Typos”

Bu taksi sürücüləri daha hazırlıq keçməyəcək - Rəsmi

AKP-çi başqandan Azərbaycanla bağlı möhtəşəm addım

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla