Prezident sərəncamı ilə səlahiyyətləri azaldılan "Azərenerji" ASC-də yoxlamalar başlayıb. "Contact.az" xəbər verir ki, Hesablama Palatası Kollegiyasının növbəti iclasında dövlət büdcəsinin əsaslı vəsait qoyuluşundan "Azərenerji" ASC-yə ayrılan vəsaitlərin istifadəsinə dair audit proqramı təsdiq olunub.

Həmçinin Bakı şəhər İcra Hakimiyyətinin Mənzil-Kommunal Təsərrüfatı Departamentinə, Respublika Neyrocərrahiyyə Xəstəxanasına və Bədən Tərbiyəsi və İdman Akademiyasına ayrılmış vəsaitlərin və büdcədənkənar daxilolmaların proqnozlaşdırılması və icrasına dair proqram təsdiq edilib.

Qeyd edək ki, Prezident sərəncamı ilə "Bakıelektrikşəbəkə" ASC-nin adı dəyişdirilərək "Azərişıq" ASC adlandırılıb. "Azərenerji" tərəfindən həyata keçirilən elektrik enerjisi ilə istehlakçıların təmin olunması fəaliyyətinin bu quruma ötürülməsinə qərar verilib.