Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
27 May 2020


Vətəndaşlarımızın bu ölkədən qayıtması üçün tədbir görülür

Ana səhifə Gündəm
12 Punto 14 Punto 16 Punto 18 Punto

Koronavirus (COVİD-19) infeksiyasının dünyada yayılması ilə əlaqədar Azərbaycan və Rusiya arasında sərhədlər müvəqqəti olaraq bağlandığından, soydaşlarımızın Vətənə qayıtması məsələsində müvəqqəti çətinliklər yaranıb və problemlərin aradan qaldırılması üçün Yekaterinburq şəhərindəki baş konsulluğumuz gücləndirilmiş iş rejiminə keçib, 24 saat ərzində vətəndaşlarımıza xidmət göstərən “qaynar xətt” açıb və hazırkı vəziyyəti nəzərə alaraq əməkdaşlar arasında növbətçilik təşkil edilib.

Axar.az xəbər verir ki, bu barədə Azərtac-a müsahibəsində Azərbaycan Respublikasının Yekaterinburq şəhərindəki baş konsulu İlqar İsgəndərov məlumat verib. Diplomat qeyd edib ki, yaranmış vəziyyətlə bağlı Rusiyanın Ural Hava Yolları və Azərbaycanın AZAL aviaşirkətinin Yekaterinburq-Bakı-Yekaterinburq marşrutu ilə birgə həyata keçirilən aviareys müvəqqəti olaraq dayandırılıb. Vətəndaşlarımızın Azərbaycana çatdırılması ilə bağlı Yekaterinburq şəhərindən sonuncu reys martın 22-də həyata keçirilib. Təyyarə Lənkəran hava limanına 55 vətəndaşımızı çatdırıb və ölkəmizdə olan Rusiya vətəndaşlarını Yekaterinburqa gətirib.

“Hazırda vətəndaşlarımız Rusiyanın paytaxtı Moskva şəhərinin “Vnukovo” hava limanından AZAL aviaşirkəti tərəfindən həyata keçirilən çarter reysləri ilə Vətənə qayıdırlar. Vətəndaşlarımızın Azərbaycana qaytarılması ilə bağlı bəzi çətinliklər Rusiyanın müvafiq dövlət orqanlarında da yaranıb. Rusiya Federasiyası Daxili İşlər Nazirliyinin Ural, Sibir və Uzaq Şərq bölgələrindəki idarələrinin miqrasiya məsələləri üzrə departamentlərindən baş konsulluğa daxil olan müraciətlərdə Rusiya Federasiyası ərazisində arzuolunmaz şəxs hesab edilən vətəndaşlarımızın Azərbaycana qaytarılmasında bəzi çətinliklərin yaşandığı bildirilir. Baş konsulluq həmin vətəndaşların ölkəmizə qayıtması üçün qeyd olunan orqanlarla danışıqlar aparır və lazımi tədbirlər görür. Son üç həftə ərzində 15 nəfərə yaxın vətəndaşımız təşkil olunmuş çarter reysləri ilə Azərbaycana qaytarılıb. Bu gün - aprelin 2-də Omsk vilayətində olan 2 vətəndaşımız Moskvadan Bakıya yola salınıb. Qeyd edim ki, hazırda Rusiyanın bir neçə bölgəsində Əcnəbilərin Müvəqqəti Saxlanma mərkəzlərində vətəndaşlarımız saxlanılır. Buna səbəb Rusiya Federasiyası ərazisində koronavirus (COVID-19) infeksiyasının yayılması nəticəsində dövlət sərhədlərinin bağlanması və vətəndaşlarımızın bu ölkədən Azərbaycana göndərilməsi məsələsinin yerli dövlət orqanlarında yubanmasıdır”, - deyə İlqar İsgəndərov bildirib.

Son bir neçə həftə ərzində qohumları Rusiya Federasiyasında vəfat etmiş Azərbaycan vətəndaşlarından da baş konsulluğa müraciətlər olub. Baş konsul onların cənazələrinin Rusiya-Azərbaycan sərhədinin Dağıstan Respublikasının ərazisindən keçən hissəsindən ölkəyə aparıldığını qeyd edib. “Bu məsələlər baş konsulluğun nəzarətindədir və Azərbaycan Respublikasının Dövlət Sərhəd Xidmətinin əməkdaşları və cənazəni müşayiət edən vətəndaşlar ilə əlaqə saxlayırıq”, - deyə İ.İsgəndərov vurğulayıb.

Baş konsul qeyd edib ki, hazırda Krasnoyarsk, Primorsk, Xabarovsk diyarları, Sverdlovsk, Tümen və Novosibirsk vilayətlərindən məhkəmələrin qərarları ilə Rusiya ərazisindən 47 vətəndaşımızın Azərbaycana qaytarılması üçün sənədləşdirmə işləri aparılır.

Tarix
2020.04.03 / 00:52
Müəllif
Axar.az
Şərhlər
Digər xəbərlər

Erməni general haqlıdır: hər an başlaya bilər - Polkovnik

XİN Ramil Səfərovla bağlı qərara münasibət bildirdi

Erməni general: Bakı bütün istiqamətlərdən hücum edir – Video

MŞ-nın “cinsi azlıq” qalmaqalı “Yerusəlim Post”da

Ermənistan Rusiyanın tərkibinə daxil ola bilərmi? – Şərh

Ermənistan Rusiyanın tərkibinə qatılır, Qarabağ isə... – Video

Məmmədyarovdan Zalkalianiyə: İki ölkə arasında...

Mən göstəriş vermişdim ki... - İlham Əliyev

Prezident Pir Ömər Sultan ziyarətgahında - Foto/Video

Bu, problem yaradır, təkliflər hazırlayın - İlham Əliyev

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla