Axar.az
Yuxarı

Deputat: Prezident onların bütün planlarını darmadağın etdi

Ana səhifə Gündəm
12 Punto 14 Punto 16 Punto 18 Punto

Azərbaycan Prezidenti İlham Əliyevin Ria Novosti agentliyi üçün “Rossiya Seqodnya Beynəlxalq İnformasiya Agentliyi” media qrupunun baş direktoru Dmitri Kiselyova verdiyi tarixi müsahibə informasiya savaşında ölkəmizin növbəti qələbəsi idi. Dövlətimizin başçısının çox dəqiq, sərrast, arqumentli və inandırıcı formada verdiyi cavablar, ölkəmizin haqlı mövqeyini peşəkar və əsaslandırılmış şəkildə Rusiya və dünya ictimaiyyətinə çatdırması indiki zamanda çox vacib idi.

Axar.az xəbər verir ki, bu barədə ATƏT Parlament Assambleyasının vitse-prezidenti, Milli Məclisin deputatı Azay Quliyev deyib.

O bildirib ki, Prezident İlham Əliyev Azərbaycanın bir tərəfdən münaqişənin həllində konstruktiv mövqe tutan, beynəlxalq norma və prinsiplərə tam əməl edən ölkə olduğunu, digər tərəfdən isə milli maraqlarından, ərazi bütövlüyünün bərpası uğrunda apardığı müqəddəs savaşdan vaz keçməyəcəyini qətiyyətlə bəyan etdi. Ən vacibi isə Prezident bu çıxışında Rusiyanı Azərbaycana qarşı yönəltmək istəyən Ermənistanın və digər maraqlı qüvvələrin bütün planlarını və bəhanələrini darmadağın etdi. Rusiya ilə ikitərəfli münasibətlərin ən yüksək səviyyədə olduğunu və bunun gələcəkdə də qorunub saxlanacağını qeyd etməklə, həm də Rusiya rəhbərliyinə və ictimaiyyətinə açıq mesaj vermiş oldu ki, Azərbaycan öz yaxın qonşuluq və strateji tərəfdaşlıq siyasətinə sadiqdir.

Bütün bunların fonunda rəzil durumda olan Paşinyanın hər sözü isə Azərbaycanın xeyrinə işləyirdi, işğalçı ölkənin faciəvi durumunu bir daha təsdiq edirdi. Müsahibədən sonra Rusiya politoloqları və ekspertlərinin verdiyi şərhlərdə də Azərbaycan Prezidentinin işğalçı ölkənin baş nazirindən müqayisə olunmaz dərəcədə həm intellekt, həm peşəkarlıq, həm də haqlılıq baxımından nə qədər üstün olduğu qeyd olunurdu. Azərbaycan Prezidenti, Ali Baş Komandan döyüş meydanında apardığı uğurlu strategiya və taktikanı eyni cəsarətlə və iradə ilə informasiya və diplomatiya sahəsində də aparır. Azərbaycan lideri regionda yeni düzəni formalaşdırır, növbəti qələbələr üçün hər gün yeni imkanlar yaradır və bütün maneələri bir-bir aradan qaldırır.

Mən əminəm ki, bu mesaj tam vaxtında, çox peşəkar və müdrikcəsinə verilmiş strateji əhəmiyyətə malik tarixi mesaj idi və bu müsahibə ilə Rusiya ictimai rəyində ölkəmizə qarşı süni şəkildə yaradılmağa çalışılan mənfi rəy əhəmiyyətli dərəcədə aradan qaldırıldı, Azərbaycanın nə qədər haqlı və konstruktiv olduğu bir daha Rusiya ictimaiyyətinə çatdırıldı.

Bu gün Azərbaycan Prezidenti yeni geosiyasi reallıqlar yaradır, regiona yeni düzən verir və ənənəvi qüvvələr balansını xeyrimizə dəyişir. Belə tarix yazmaq çox çətin və mürəkkəb vəzifədir. Bunun üçün təkcə dərin zəka, sərkərdəlik qabiliyyəti, mahir siyasətçi olmaq tələb olunmur, bunun üçün həm də böyük ürək, qorxmazlıq və cəsarət tələb olunur.

Əminəm ki, Ali Baş Komandan İlham Əliyev 2020-ci ilin Zəfər Sərkərdəsi və müdrik siyasətçisi kimi, Azərbaycan Ordusu ən peşəkar və döyüşkən Ordu kimi, Azərbaycan Xalqı isə ən qəhrəman Xalq kimi tarixə düşəcək.

Qarabağ Azərbaycandır!

Tarix
2020.10.17 / 01:01
Müəllif
Axar.az
Şərhlər
Digər xəbərlər

İsrail eksperti: Nikol müharibəni uduzub: əgər etiraf etsə... - Video

Ermənistan hərbi rəhbərliyinə qarşı cinayət işləri açıldı

Xankəndidə hərbi anbar məhv edildi - Video

Qarabağda Rusiyanın axtardığı terrorçu məhv edildi - Foto

“Human Rayt Voç” ermənilərin Bərdə terrorunu pislədi

Ermənistanın 5468 əsgəri məhv edildi - Adbaad siyahı

İrəvanın xəbəri yoxdur: Biz məhv oluruq – Erməni polkovnik

Misir mediası da yaydı: ermənilərin 5 mindən çox itkisi...

Putin: Qarabağda mənafelər balansını tapmaq lazımdır ki...

Dağlıq Qarabağ Azərbaycanın əzəli torpaqlarıdır - Putin

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla