"Türkiyə parlamentində 80 nəfərlik millət vəkili yeri qazanan HDP rəsmi Ankaradan Ermənistanla diplomatik münasibətləri qurmağı tələb edəcək".

Axar.az xəbər verir ki, bu açıqlama ilə politoloq Elxan Şahinoğlu çıxış edib. O, Türkiyədə ötən gün keçirilən seçkidə kürdlərin parlamentdə 80 yer qazanmasına münasibət bildirib:

"Türkiyə parlamentində kürdlərin təmsil olunduğu Xalqların Demokratiya Partiyasının 80 millət vəkili Azərbaycan üçün nə deməkdir? Bu partiya istər mümkün koalisiya hökumətində yer alsın, istərsə də müxalifət sıralarında qərar tutsun, Ankaradan Türkiyənin Ermənistanla sərhədi açmağı və diplomatik münasibətləri qurmağı tələb edəcək".

Qeyd edək ki, Türkiyədə keçirilən parlament seçkisində AKP 258, CHP 132, MHP və HDP isə hərəyə 80 millət vəkili yeri qazanıb. Türkiyədə bir partiyanın təkbaşına hökumət formalaşdırması üçün parlamentdə ən azı 276 millət vəkili yeri qazanması lazımdır. Hazırki nəticələr isə koalisiya hökumətinin qurulmasını tələb edir.