Axar.az
Yuxarı

“ANS redaktora da cəza verməlidir” – Video

Ana səhifə Gündəm
12 Punto 14 Punto 16 Punto 18 Punto

"Mən günahı təkcə aparıcıda görmürəm".

Bu sözləri tanınmış media eksperti Zeynal Məmmədli aparıcı Elnarə Təhməzovanın müəllifi olduğu "İncə Maraqlar" və "İncə+" verilişlərinin yayımının dayandırılması barədə ANS Şirkətinin qərarını Axar.az-a şərh edərkən deyib:

"Peşəkar jurnalistikanın tələbləri baxımından heç bir halda insanların şərəfini, inancını təhqir etmək, aşağılamaq olmaz. Nəyisə mübahisə etmək olar, amma ləyaqətə və bütövlükdə inama toxunmaq olmaz. Jurnalist yanlış davranıb – sadəcə, bir jurnalist kimi yox, normal mədəni insan kimi də. Bu tipli məsələlər təkcə aparıcının yox, aparıcıya o şansı verən menecerin, yayım rəhbərinin günahıdır. Sən bir aparıcını verilişə təhkim eləyəndə, çıxaranda bilməliydin ki, onun mədəni səviyyəsi, peşəkar hazırlığı, söz ehtiyatı necədir. Mən günahı təkcə aparıcıda görmürəm, ona bu şansı verən menecerdə də görürəm. Burada faktiki olaraq təkcə aparıcı günahkar deyil, o verilişin prodüseri, məsuliyyət daşıyan redaktoru da cəzalandırılmalıdır".

Qeyd edək ki, ANS şirkətinin Baş direktoru Mirşahin Ağayev də aparıcının fikirlərinə görə kanal rəhbərliyinin məsuliyyət daşıdığını öz açıqlamasında xüsusi vurğulayıb:

"Aparıcının fikirlərinə görə kanal rəhbərliyinin məsuliyyət daşıdığını biz dəfələrlə elan etmişik və bir daha bildiririk. Fərqi yoxdur, aparıcı nəyi demək istəyirdi, necə alınıb, fakt artıq ortadadır, tamaşaçı hissiyyatına toxunulub və ANS rəhbərliyi kimi biz tamaşaçılardan üzr istəyirik".

Xatırladaq ki, ANS-in efirində yayımlanan "İncə maraqlar" verilişinin aparıcısı Elnarə Təhməzova hicablı xanımları təhqir etmişdi. Təhməzova hicablıların qara geyinməsinə etiraz edərək, belə geyinən xanımları bayquşa bənzətmişdi.

Tarix
2015.06.10 / 19:52
Müəllif
Nigar An
Şərhlər
Digər xəbərlər

Zülfüqarov: Laçını “qapısız həyət” elədikləri bəsdir!

Laçın dəhlizindən gündə bu qədər maşın keçir – Rusiya MN

Latviya mətbuatında Qarabağ həqiqətləri...

Bayramov BMT-də daha 5 həmkarı ilə görüşdü

Bu gün “Haber Global” 3 yaşını qeyd edir

Ermənistan dialoqa hazırdır - Paşinyan

Deqati: Müharibədən bir ay sonra başa düşdüm ki... - Foto

Şuşada daha bir erməni əsgərin meyiti tapıldı

Baş nazir dövlət büdcəsinin layihələrini təsdiqlədi

Bayramov Borrell ilə görüşdü - Foto

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla