Heydər Əliyevin dediyi kimi, gömrük xidməti hər bir dövlətin müstəqilliyinin əsas atributlarından biridir.

Axar.az xəbər verir ki, bunu Ukraynanın Dövlət Fiskal Xidməti sədrinin müavini Konstantin Likarçuk "Qolos Stolitsı" radiosuna müsahibəsində rəhbərlik etdiyi gömrük orqanlarının statusundan və fəaliyyət istiqamətlərindən danışarkən deyib.

Ukrayna və Avropa gömrük orqanları arasındakı fərq barədə sualı cavablandırarkən Konstantin Likarçuk Azərbaycan gömrük xidmətinin nümayəndələri ilə görüşü zamanı maraqlı fikir öyrəndiyini diqqətə çatdırıb.

"Azərbaycan gömrükçüləri ilə görüşdə öyrəndim ki, Azərbaycan Prezidenti olmuş Heydər Əliyev gömrüyün hər bir dövlətin müstəqilliyinin əsas atributlarından biri olduğunu deyib. Göründüyü kimi, dövlətin öz gömrüyünə bəslədiyi münasibət xeyli dərəcədə onun öz suverenliyinə bəslədiyi münasibətdən asılıdır. Heydər Əliyev deyirdi ki, dövlətin dörd atributu var - gerb, bayraq, himn və gömrük".