Qazaxıstanda Kostanay şəhər rəhbərinin müavini həbs edilib. Frunzik Arakelyan iki ay istintaq təcridxanasında saxlanılacaq.

Axar.az xəbər verir ki, F.Arakelyan vəzifəsindən sui-istifadə etməkdə və rüşvət almaqda təqsirləndirilir. Dövlət ittihamçısı Ruslan Umurzakov məhkəmədə bildirib ki, Arakelyan 2015-ci il fevralın 27-də xidməti vəzifəsindən istifadə edərək, avtobus dayanacaqlarının qurulması üçün tenderdə "Arvis" MMC-nin qalib gəlməsi üçün mənzil-kommunal təsərrüfatı şöbəsinin rəisi Şinkinə göstəriş verib.

2015-ci il martın 15-də şəhərin yeni ilə hazırlanması, habelə iki attraksionun qurulması üzrə dövlət sifarişləri üçün müsabiqə elan edilib. Attraksionların inşası üçün üstünlüyün bu ilin noyabrında "Veskop" MMC-yə verilməsi üçün F.Arakelyan Şinkinin kabinetində "Veskor" MMC-nin direktoru Yestafyevdən 300 min təngə (1600 dollar) məbləğində rüşvət alıb.