Dini Qurumlarla İş üzrə Dövlət Komitəsi maarifləndirmə işlərini davam etdirir.

Axar.az xəbər verir ki, qurumun Şirvan şöbəsi və Hacıqabul rayon İcra Hakimiyyətinin birgə təşkilatçılığı ilə tədbir keçirilib. Toplantı "Dövlət-din münasibətlərinin yaxşılaşdırılması və qeyri-ənənəvi dinlərə qarşı mübarizə" mövzusunda olub.

İsmayıllının Diyallı kəndində isə "Dini radikalizm və onun təhlükələri" adlı dəyirmi masa təşkil olunub. Tədbirə Diyallı kənd məscidi dini icmasının sədri Hikmət Əhmədov həyata keçirilən layihənin əhəmiyyətini diqqətə çatdırıb. Dini komitənin əməkdaşı Namiq Cırıyev dövlət-din münasibətləri, radikalizmlə mübarizə sahəsində görülmüş işlər haqda çıxış edib.

Qafqaz Müsəlmanları İdarəsinin səlahiyyətli nümayəndəsi Şahzadə Bilalov dini icmalara ayırdığı diqqətə görə Prezident İlham Əliyevə minnətdarlığını bildirib.