Dağlıq Qarabağ münaqişəsinin həlli ilə bağlı danışıqlar mərhələsi yaxın günlərdə başlaya bilər.

Axar.az xəbər verir ki, "RİA Novosti" saytı Azərbaycan Prezidentinin ictimai-siyasi məsələlər üzrə köməkçisi Əli Həsənovun Xəzər TV-yə eksklüziv müsahibəsinə istinadla bu fikirlərini yayımlayıb.

Ə.Həsənov bildirib ki, danışıqlar prosesinin təşəbbüskarı Rusiya Prezidenti Vladimir Putin olub.

"Təşəbbüs Rusiya Prezidenti Vladimir Putindən gəldi. O, hər iki ölkə prezidentinə müraciət etdi və indi danışıqlar prosesinə hazırlıq gedir. Ola bilsin ki, yaxın günlərdə danışıqların intensiv mərhələsi başlansın", - Ə.Həsənov deyib.