Türk Dövlətləri Təşkilatı ölkələrinin Şimali Kipr Türk Cümhuriyyətinə qarşı hər hansı mənfi mövqeyi yoxdur.

Axar.az APA-ya istinadən xəbər verir ki, bu barədə Şimali Kiprdə TDT-nin Ağsaqqallar Şurasının iclasında çıxışı zamanı Şuranın sədri Binəli Yıldırım bildirib.

O qeyd edib ki, mətbuatda yayımlanan bəzi xəbərlər türk dövlətlərinin bir-birinə qarşı hörmət və sevgisini azaltmağa yönəlib və bu xəbərlərə ən gözəl cavab isə TDT-nin Ağsaqqallar Şurasının iclasının Şimali Kiprdə keçirilməsidir.

“TDT-nin Şimali Kiprlə bağlı mənfi mövqeyi yoxdur. Şimali Kiprin müşahidəçi statusu malik ölkə olaraq münasibətlərimizi inkişaf etdirəcəyik. Qeyri məsələlər bizim gündəmimizə daxil deyil. Biz dünənə görə daha da güclüyük”, - B.Yıldırım vurğulayıb.