Rusiya birmənalı olaraq Ermənistanın daxili işlərinə qarışmayacaq. İstəsəydi, rıçaqları vardı.

Axar.az xəbər verir ki, bu sözləri rusiyalı politoloq Stanislav Tarasov erməni mediasına müsahibəsində deyib.

Onun sözlərinə görə, bu gün sual başqadır:

“Kim kimə lazımdır – Ermənistan Rusiyaya, yoxsa Rusiya Ermənistana? Ölkəmiz böyük dövlətdir və manevr məkanımız daha genişdir. Baxın: Kiyev məsələsi Vaşinqtonla müzakirə olunduğu kimi, Ermənistan məsələsi isə Ankara ilə müzakirə oluna bilər. Deməli, bu, erməni xalqının seçim məsələsidir. Rusiya SSRİ-2-ni qurmaq istəmir, lakin Cənubi Qafqazın ona qarşı plastdarm olmasını da istəmir. Paşinyan Qərbə yatırım etdi, amma bu gözləntilər boşa çıxdı: ABŞ biganədir, Fransa isə uzaqdadır”.