İranın İsfahan əyalətindəki bir zavodda qaz sızmasının yaratdığı partlayış nəticəsində ən azı doqquz nəfər həlak olub.

Axar.az Bakupost.az-a istinadən xəbər verir ki, İsfahanın Böhran İdarəetmə baş direktoru Mənsur Sişeforoş hadisə nəticəsində doqquz zavod işçisinin zəhərlənmədən öldüyünü deyib.

O bildirib ki, onları xilas etmək cəhdləri uğursuz olub.

Sişeforoşun sözlərinə görə, yanğın Barhur şəhərindəki Dolatabad Sənaye Parkında yerləşən elektronika istehsalı zavodunda baş verib.

Yanğınsöndürənlər və xilasetmə qrupları tez bir zamanda hadisə yerinə gəliblər.

İsfahanın şimalında yerləşən 1700 hektarlıq Dolatabad Sənaye Parkı ölkənin ən böyük sənaye zonalarından biridir.