Mərhum xalq artisti Xumar Zülfüqarova ilə vida mərasimi bu gün onun yaşadığı mənzildə keçiriləcək.

Bu sözləri Kult.az-a Mədəniyyət və Turizm Nazirliyinin ictimaiyyətlə əlaqələr şöbəsinin müdiri Vüqar Şıxməmmədov bildirib. Onun sözlərinə görə, bu haqda artıq mərhum sənətkarın ailə üzvlərinə də məlumat verilib.

“Vida mərasimində nazirlik nümayəndələri və əməkdaşları da iştirak edəcək. Həmçinin, Dövlət Rəqs Ansmblının müəllim kollektivi, rəqs məktəbinin tələbələri də mərasimə qatılacaqlar”, - V.Şıxməmmədov bildirib.

Qeyd edək ki, rəqs sənətinin görkəmli nümayəndəsi, Azərbaycan rəqqasəsi, baletmeyster, Dövlət Rəqs Ansamblının yaradıcısı, xalq artisti, “Şöhrət" ordenli Xumar Zülfiqarova dünən saat 15:00 radələrində dünyasını dəyişib. Mərhumun nəvəsi Eldar Zülfüqarov Aznyus.az-a açıqlamasında deyib ki, bu haqda Mədəniyyət və Turizm Nazirliyinə bildirsələr də, indiyə qədər nazirlik ailəyə vida mərasiminin harada keçiriləcəyi ilə bağlı məlumat verməyib.