Bu gün axşam saatlarında Milli Qəhrəman Gültəkin Əsgərovanın anası, Şəhid Anaları Cəmiyyətinin sədri Rəfiqə Əsgərova dünyasını dəyişib.

Axar.az xəbər verir ki, bu barədə millət vəkili Qənirə Paşayeva məlumat yayıb.

Qeyd edək ki, 1960-cı ildə Bakı şəhərində anadan olan G.Əsgərova Azərbaycan Tibb İnstitutunu bitirib. 8 saylı təcili yardım və Uroloji kliniki xəstəxanada işləyib. Qarabağ müharibəsinin ilk günlərindən yeganə körpəsini anası Rəfiqə Əsgərovaya əmanət edərək, cəbhəyə, erməni gülləsindən yaralanan əsgərlərə yardım etməyə gedib.

O, Şuşa, Turşsu, Laçın, Əsgəran, Naxçıvanik istiqamətlərində gedən hərbi əməliyyatlarda Azərbaycan əsgərinə tibbi yardım göstərib.

1992-ci il 19 iyulda Ağdam istiqamətində gedən döyüşlərdə, Aranzəmin yüksəkliyində şəhid olub.