20:31

Sumqayıtda yaşayış binasında yanğın qeydə alınıb.

Axar.az xəbər verir ki, yanğın şəhərin 4-cü məhəlləsində yerləşən 12/21 saylı yaşayış binasının zirzəmisində başlayıb.

Zirzəmidə yaşayan bir ailənin 3 üzvü və qonşular binadan təxliyə edilib.

Yanğının cərəyən xəttinə taxılan şarj aparatının partlaması nəticəsində baş verdiyi bildirilir. Əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

Faktla bağlı araşdırma aparılır.

***

Sumqayıtda yaşayış binasında yanğın yanğınsöndürənlər tərəfindən qısa müddətdə söndürülüb.

Bu barədə Fövqəladə Hallar Nazirliyindən bildirilib.

Hadisə nəticəsində zirzəmidə yerləşən, vətəndaşa məxsus ümumi sahəsi 70 kv.m. olan ikiotaqlı mənzilin mətbəxinin yanar kostruksiyaları 15 kv.m. sahədə və yataq otağında 1 ədəd çarpayı və 1 ədəd televizor yanıb.

Mənzilin böyük hissəsi yanğından mühafizə olunub.

Təhlükəsizlik tədbirləri çərçivəsində binanın iki sakini təhlükəsiz əraziyə təxliyə olunub.