18:01

Xəbər verdiyimiz kimi, Bakıda keçirilən "UFC Fight Night Baku" turnirinə start verilib.

Axar.az xəbər verir ki, ilk döyüşdə azərbaycanlı Tahir Abdullayev oktaqona çıxıb.

O, Braziliyadan olan rəqibi Ceferson Nasimentonu döyüşün üçüncü raundunda məğlub edib.

Xatırladaq ki, Milli Gimnastika Arenasında keçirilən "UFC Fight Night Baku"da gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Əlavə olaraq azərbaycanlı Nazim Sadıxov braziliyalı Mateus Kamilo ilə, Fərman Həsənov ABŞ təmsilçisi Erik Nolanla ilə münasibətlərə aydınlıq gətirəcək.

***

Fərman Həsənov Erik Nolanla (ABŞ) qarşılaşıb.

Görüş Fərman Həsənovun qələbəsi ilə yekunlaşıb.

***

Bakıda keçirilən UFC turnirində əsas döyüşlər davam edir.

Yüngül çəki dərəcəsində Nazim Sadıxov Braziliya təmsilçisi Mateus Kamilo ilə üz-üzə gəlib.

Rəqib ilk raundda Nazimi nokautla məğlub edib.

***

Əsas döyüşdə Azərbaycan təmsilçisi Rafael Fiziyev meksikalı Manuel Torreslə üz-üzə gəlib.

Yüngül çəkidəki görüşdə R.Fiziyev rəqibinə qalib gəlib.