Bu gün Türkiyənin "Qalatasaray" Futbol Klubunda klub prezidenti Duyğun Yarsuvata xəbər vermədən TFF-nin xarici futbolçu (transfer) qərarına etiraz edən Sportiv Anonim Şirkətinin prezidenti Hamdi Yasamana görə iclas keçiriləcək.

Axar.az xəbər verir ki, dünən idarə heyətinin iclasında "Biz TFF-nin qərarını bütün hallarda dəstəklədiyimizi söylədik. Mən dəfələrlə bunu elan etmişəm. Sən "Qalatasaray" başqanından xəbərsiz necə belə bir etiraz təlimatı verə bilərsən? Belə şey ola bilməz", - deyə çıxış edən Yarsuvat bu gün Türk Telekom Arena Stadionunda toplaşmaq qərarı verib.

"Qalatasaray" prezidenti Duyğun Yarsuvatın rəhbərlik edəcəyi iclasın saat 17:00-da başlanacağı gözlənilir. Bu iclasda Hamdi Yasamanın "Qalatasaray" Sportiv A.Ş prezidentliyi vəzifəsindən uzaqlaşdırılacağı gözlənilir.

Duygun Yarsuvatın dünənki sözləri "Qalatasaray" İdarə Heyətinin 2 nömrəli adamı olan Hamdi Yasmanı həddindən artıq üzüb. Bütün vəzifələrdən getməyi düşünən Yasaman iclasdan sonra heç bir zəngə cavab verməyib.