"Qarabağ" – "Seltik" qarşılaşmasına bilet satışı bərpa olunub.

Bu barədə Axar.az-a Ağdam klubunun mətbuat katibi Nurlan İbrahimov açıqlamasında bildirib. Onun sözlərinə görə, kassaların qabağındakı izdihamdan istifadə edən bəzi işbazlar qeyri-leqal biletlər satmağa nail olublar.

Ağdam klubunun sözçüsü qeyd edib ki, artıq hüquq-mühafizə orqanlarının qara bazara nəzarəti gücləndirilib. N.İbrahimovun məlumatına görə, matç Tofiq Bəhramov adına stadionda keçiriləcək və bu saata qədər 10 min bilet satılıb.

"Qarabağ" FK rəhbərliyi vətəndaşlardan xahiş edir ki, qanunsuz bilet alverinin qarşısının alınması üçün biletləri mütləq kassalardan alsınlar. Biletlərin qiymətləri nömrəli sektorlar üzrə 1-10 manat arasında dəyişir.

Görüş avqustun 5-i, saat 21.30-da olacaq. Səfər matçında "Qarabağ" meydan sahiblərinə 0:1 hesabı ilə məğlub olmuşdu.