Ən güclü rəqib "Qarabağ"a düşüb. "Seltik" 46 dəfə Şotlandiya çempionu olub. Bundan əlavə, komanda tam komlektləşib. Buna baxmayaraq, məncə, "Qarabağ" özündə güc tapacaq və bu mərhələni də keçəcək. Düzdür, "Qarabağ" əvvəlki "Qarabağ" deyil. Leroy Corc və Muarem Muaremin gedişi komandaya çox pis təsir edib. Amma komandanın "Seltik" səddini keçəcəyinə inanıram. Əminəm ki, Qurban bu oyundan sonra da başını dik tutacaq.

Axar.az xəbər verir ki, AFFA Məşqçilər Komitəsinin üzvü, "Neftçi"nin sabiq baş məşqçisi Böyükağa Hacıyev Qol.az geniş müsahibəsində belə deyib.

Onun fikrincə, "Seltik" elə birinci görüşdəki kimi oynayacaq: "İlk növbədə Reynaldo daha da artırmalıdır. Əlinə düşən hər qol imkanından istifadə etməlidir".

B.Hacıyev "İnter"in işinin çətin olduğunu, "Qəbələ"də isə çox dəyişikliklər baş verdiyini xatırladıb: "Xüsusilə də hücum xətti yaxşı təsir bağışlayır. Ön xətt oyunçuları gözəl ötürmələr verə bilir.

Deməzdim ki, "Qəbələ" rəqibindən daha şanslıdır. Ancaq biz vaxtilə APOEL səddini keçməklə inam yaratmışıq ki, Kipr klublarından çəkinməməliyik".