Ana səhifə Kult |
Hindistanlı ər-arvad özəl günlərini Bakıda sərnişin daşıyan 170 nömrəli avtobusda qeyd ediblər. Avtobus cütlük üçün xüsusi bəzədilib.
Xəzər xəbər-in məlumatına görə, sanki sərnişin avtobusu özəl bir gün üçün romantik şəkildə bəzədilmiş restorandır.
Cütlüklər bu dəfə evlilik ildönümünü qeyd etmək üçün fərqli yola əl atıblar. Hindistanlı ər-arvad özəl günləri üçün hansısa bahalı məkanı deyil, Bakıda sərnişin daşıyan 170 nömrəli avtobusu seçiblər.
Qulati və Ayan cütlüyü özəl günlərini qeyd etmək üçün Bakıya üz tutublar. Onlar Bakıda fəaliyyət göstərən şirkətlərdən biri ilə əlaqə saxlayıb və şəhər turu üçün romantik bəzədilmiş avtobus istəyiblər. 170 nömrəli marşurut xəttində olan avtobuslardan biri bu formada hazırlanıb
Qeyd edək ki, bu hindistanlı cütlüklərin Bakıda keçirdikləri ilk özəl günləri deyil. Hələ bir müddət əvvəl digər hindistanlı çütlük Bakıda özlərinə dəbdəbəli toy etmişdilər.
Turizm üzrə ekspert Rəhman Quliyev deyir ki, hindli turistlərdən bu kimi təkliflər tez-tez gəlir. Hind adətlərində əlamətdar günləri daha çox xaricdə keçirməyə üstünlük verilir.
Ekspert deyir ki, bu kimi tədbirlər yüksək səviyyədə təşkil olunmalıdır. Çünki xaricdə olan bir hindlinin toyuna azı 100 nəfərlik qurup gəlir. Bu isə bir növ turist axınının artmasına gətirib çıxarır.
Hindistanlılarla yanaşı, ərəb ölkələrindən gələn turistlər də özəl günlərini Bakıda keçirməyə üstünlük verirlər.
Tarix
2019.04.21 / 00:48
|
Müəllif
Kult.az
|