Qızı özbaşına qoysan, yal halvaçıya gedər, ya zurnaçıya.

Axar.az xəbər verir ki, bu sözləri müğənni Könül Kərimova qızının nişanlanması haqda “Şou məkan” verilişində danışarkən deyib. O, adət-ənənəyə uyğun hərəkət etdiyini bildirib:

“Bizdə adət-ənənə o cür deyil ki, övlad istəyən olmalıdır. Əlbəttə ki, valideynin də razılığı mütləqdir. Qəribədir ki, ilk mənim seçimim, istəyim olub, ancaq qızım razılaşmırdı. Sonra zaman keçdi, qızım razılığa gəldi. Nə oğlanı, nə də qızı yaxınlaşdıra bilmirdik. Təsadüfən qohumlardan birinin məclisində üz-üzə gəlib, bir-birini bəyəndilər. Bizə də xoş oldu. Mən də belə ailə qurmuşam. Valideynlərim məni öz istəyimə buraxmayıblar”.