İran ordusu hərbi qulluqçularından xidməti postlarına başlamazdan öncə vəsiyyət məktubu təqdim etməyi tələb edib.

Axar.az xəbər verir ki, bu barədə İran mediası məlumat yayıb.

Bildirilib ki, qərar 12 günlük müharibə zamanı baş verən təcrübələrdən sonra qəbul olunub. Həmin döyüşlərdə bir çox hərbi qulluqçunun şəxsiyyətinin identifikasiyası mümkün olmayıb, bəzi hallarda isə ölənlərin nəşləri tamamilə məhv olub.

Məlumata görə, orduda hərbi qulluqçuların qan qrupu, şəxsiyyət vəsiqəsinin surəti və digər şəxsi məlumatları toplanaraq onlar üçün identifikasiya nişanı hazırlanır.

Ekspertlər hesab edirlər ki, bu tədbirlər, müharibədən sonra gücləndirilmiş təhlükəsizlik siyasəti və hökumətin yeni hərbi qarşıdurmalara hazırlaşdığı ehtimalını artırır.