ABŞ və İsrail İranı parçalamaq istəyir. Əgər hücum etsələr, bütün gücümüzlə onlara qarşı duracağıq. Müharibədən qorxmuruq, çünki belə bir vəziyyətdə daxili birlik və həmrəylik daha da güclənəcək.

Axar.az xəbər verir ki, bu sözləri İran Prezidenti Məsud Pezeşkian bildirib.

“ABŞ əvvəlcə etnik qrupları qızışdırır. Əgər bu işə yaramazsa, ölkələri bir-birinə qarşı qoyur, nəticə verməzsə, birbaşa meydana çıxır. Xaricə cazibədar bir sima göstərir, amma arxasında şeytani bir həqiqət dayanır. Xalqa demokratiya şüarları ilə səslənirlər və azadlıq gətirdiklərini iddia edirlər. Əgər belədirsə, bəs niyə azadlıq gətirdiyini deyən ABŞ Qəzzada, Fələstində, Suriyada və digər bölgələrdə qadınların və uşaqların başına bu faciələri gətirir? Onların günahı nə idi? Bütün bunlar yalandan ibarətdir.

Proses açıq-aşkardır və ABŞ bu siyasətlərindən imtina etməyəcək. Amma biz ölkəmizdə birlik və bərabərliyi qoruya bilsək, buna asanlıqla cəsarət edə bilməzlər. Çünki bunun əvəzi onlar üçün çox ağır olar”, - Pezeşkian vurğulayıb.