Ukraynanın yeni “Flaminqo” raketləri Krım körpüsünün məhv edilməsində istifadə oluna bilər.

Axar.az xəbər verir ki, bu barədə ukraynalı aviasiya eksperti Anatoli Xrapçinski deyib.

Onun sözlərinə görə, “Flaminqo” kifayət qədər dağıdıcı gücə malikdir və uzunmənzilli “Neptun” raketləri ilə birlikdə körpünü vurmaq potensialı var:

“Əlbəttə, burada hədəfə dəqiqlik məsələləri var. Amma mövcud partlayıcı elementlərin miqdarı öz işini görür”, – Xrapçinski bildirib.

Ekspert əlavə edib ki, Krım körpüsünün vurulması üçün təkcə “Flaminqo” deyil, başqa “maraqlı həllər” də mövcuddur.

Xrapçinskin fikrincə, “Flaminqo” daha çox strateji hədəflərə – istehsal müəssisələrinə, silah anbarlarına və yeraltı obyektlərə qarşı nəzərdə tutulub.