Rusiya 30 may tarixindən etibarən Ermənistandan meyvə-tərəvəz məhsullarının idxalını məhdudlaşdırıb.

Axar.az xəbər verir ki, bu barədə “Rosselxoznadzor” məlumat yayıb.

“Rosselxoznadzor” göndərilən məhsulların təhlükəsizliyini təmin etmək üçün müvafiq alqoritm hazırlanana qədər, 30 may 2026-cı il tarixindən etibarən Ermənistandan gətirilən təzə pomidor, xiyar, bibər, yaşıl tərəvəz və çiyələyin idxalına müvəqqəti məhdudiyyətlər tətbiq edəcək”, - məlumatda bildirilib.

Qeyd edək ki, bundan öncə Rusiya Ermənistandan "Cermuk" (ilk qadağa 28 apreldə qoyulmuşdu) və müxtəlif spitrli içkilər də daxil olmaqla, bir sıra məhsulların idxalına qadağa qoyub.