Qırğızıstan Xarici İşlər Nazirliyi Rusiyanın bəzi bölgələrində pilotsuz uçuş aparatları ilə bağlı hücumlar fonunda ölkə vətəndaşlarına ehtiyatlı olmağı tövsiyə edib.

Axar.az xəbər verir ki, bu barədə Qırğızıstan XİN-in mətbuat xidməti məlumat yayıb.

Məlumata görə, nazirlik Rusiyanın ayrı-ayrı bölgələrində PUA hücumları ilə bağlı davam edən xəbərləri nəzərə alaraq, vətəndaşlara təhlükəsizlik tədbirlərini gücləndirməyi və olduqları ərazilərdə yerli rəsmi qurumların tövsiyələrinə əməl etməyi tövsiyə edib.

Bildirilib ki, təcili konsulluq-hüquqi yardıma ehtiyacı olan Qırğızıstan vətəndaşları ölkənin Rusiyadakı səfirliyinə və ya Xarici İşlər Nazirliyinin konsulluq departamentinə müraciət edə bilərlər.