Qvatemalada yerləşən Fueqo vulkanının güclü püskürməsinin görüntüləri yayılıb.

Axar.az xəbər verir ki, təhlükə səbəbindən yerli hakimiyyət orqanları vulkanın yaxınlığındakı yaşayış məntəqələrinin sakinlərini təxliyə edirlər.

Hazırda püskürmədən sonra Fueqo vulkanından parlaq qırmızı lava axınları aşağı enir. Nəhəng kül buludu artıq yaxınlıqdakı kəndlərin üzərini örtüb. Bir neçə kənd tamamilə təxliyə edilib, yaxın bələdiyyələrdə isə məktəblərdə dərslər ləğv olunub. Vulkanın ətrafındakı yollar bağlanıb.

Yerli Vulkanologiya İnstitutu xəbərdarlıq edir ki, Fueqo vulkanı hazırda püskürmənin daha partlayışlı və təhlükəli mərhələsinə daxil olur.