Gürcüstan Moskvanın eks-meri Yuri Lujkova qarşı cinayət işi qaldırmayacaq.

Axar.az xəbər verir ki, bu barədə informasiyanı Gürcüstan Daxili İşlər Nazirliyi yayıb. Nazirlik Lujkovun sonuncu dəfə Gürcüstanın işğal edilmiş ərazilərində 2010-cu ildə olduğunu və eks-merin cinayət məsuliyyətinə cəlb edilməsi üçün zamanın keçdiyini bildirib:

“Bizim qanunvericiliyə görə, işğal edilmiş əraziləri ziyarət edən şəxsə qarşı altı il ərzində cinayət işi açılmalıdır. 2010-cu ildə Gürcüstanın əvvəlki hakimiyyəti Lujkova qarşı cinayət işi açmayıblar. Üstəlik, Lujkov Gürcüstana Ermənistandan gəlib. Onun pasportunda işğal edilmiş əraziləri ziyarət etməsi ilə bağlı heç bir möhür olmayıb”.