İspaniya kralı Xuan Karlosun sürpriz qərarla taxtını oğlu Şahzadə Felipe de Borbona buraxması, keçmiş jurnalist və CNN İspaniya televiziyasının aparıcısı Letizia Ortiz Rokasolanoya da kraliçalıq yolunu açıb.

Axar.az xəbər verir ki, bununla da Letizia İspaniya tarixində kral qanı daşımayan ilk kraliça olaraq tarixə düşüb.

Qeyd edək ki, 1972-ci ildə Oviedo şəhərində jurnalist ailəsində doğulan Letizia Ortiz Rokasolano ana və atasının yoluyla gedərək Madrid Komplutens Universitetində jurnalistika təhsili alıb. Müxtəlif televiziya kanallarında müxbirlik vəzifəsində işləyən yeni kraliça son olaraq CNN İspaniya televiziyasında aparıcı vəzifəsində çalışırıb. Letizia Ortiz Rokasolano İspaniya xalqının ən sevdiyi şəxslərdən biri sayılır.