"Yaponiya hökuməti Koreya Xalq Demokratik Respublikasına qarşı bəzi birtərəfli sanksiyaların ləğvi barədə qərar qəbul edib".

Axar.az xəbər verir ki, bu açıqlama ilə Yaponiyanın Baş naziri Sindzo Abe çıxış edib.

Baş nazir konkret olaraq hansı sanksiyaları ləğv edəcəyini açıqlamayıb:

"Bu qərar ötən yüzilliyin 70-80-ci illərində Şimali Koreya xüsusi xidmət orqanları tərəfindən oğurlanan yapon vətəndaşlarının həyatının tədqiq edilməsinə həsr olunmuş müvafiq sazişin imzalanmasından sonra qəbul edilib. Lakin dəqiq hansı sanksiyaların ləğv edilməsini açıqlaya bilmərəm. Çünki bu məsələ ilə bağlı konkret qərar cümə günü baş tutacaq Nazirlər Kabinetinin iclasında qəbul olunacaq".

Qeyd edək ki, oğurlanmış vətəndaşların həyatı ilə bağlı danışıqlar Pekində baş tutub.