ABŞ hərbi komandanlığı F-35 qırıcı təyyarələrinin bütün uçuşlarını dayandırıb.

Axar.az "Röyter" informasiya agentliyinə istinadən xəbər verir ki, bu ani qərara Florida ştatında təyyarənin havaya qalxarkən hərbi bazada alovlanması, Arizonada isə təyyarənin uçuşu zamanı yanacaq sızmasının baş verməsi ilə bağlı yaşanan texniki problemlər səbəb olub.

Baş verən texniki nasazlıqların səbəbi hələ məlum deyil, araşdırmalar davam etdirilir. Böyük Britaniyada təyyarələrin avia-şouda iştirakı isə növbəti həftə baş tutacaq.

Xatırladaq ki, Pentaqonun ən bahalı layihələrindən biri olan F-35 təyyarələrinə ümumilikdə 392 milyard dollar vəsait ayrılıb. Sayı 2443 ədəd olan bu qırıcı təyyarələrdən birinin ayrılıqda qiyməti 160 milyon dollardır.