2018.10.27 - 19:25

ABŞ-ın Pensilvaniya əyalətinin Pittsburq şəhərində bir sinaqoqa silahlı hücum təşkil edilib.

Axar.az xəbər verir ki, bu barədə məlumatı Sputnik yayıb.

Hadisə nəticəsində ən azı 8 nəfərin öldürüldüyü bildirilib.

Polisin hücuma müdaxiləsi davam edir.

***

ABŞ-ın Pensilvaniya əyalətinin Pittsburq şəhərindəki “Həyat ağacı” adlı sinaqoqa təşkil edilən silahlı hücum nətcəsində ölənlərin sayı 11-ə çatıb.

***

Pittsburq rəsmiləri hücumda ölənlərin 4-nün polis olduğunu bildirərək, 6 nəfərin də yaralandığını söyləyiblər.

Məlumatda o da qeyd edilib ki, silahlı hücumu təşkil edən şəxs həbs edilib. ABŞ KİV-in məlumatına görə, qatil 48 yaşlı Rob Bauerdir. O, sinaqoqa girərkən antisemit bəyanatlar səsləndirib və Hitler tərəfdarı olduğunu bildirib.

Əldə edilən səs yazısına əsasən, onun Prezident Trampa "yəhudilərin nəzarəti altında hərəkət etdiyi üçün" nifrət etdiyini bildirdiyi iddia edilir.