Seçkinin ilkin nəticələri hazırkı Prezident Pyotr Poroşenko siyasətinin uğursuzluğa düçar olması anlamına gəlir.

Axar.az xəbər verir ki, bu sözləri Rusiya Dövlət Dumasının Beynəlxalq Məsələlər Komitəsinin sədri Leonid Slutski deyib.

“İstənilən halda ilkin nəticələr dövlət çevrilişi ilə hakimiyyətə gəlmiş “Maydan prezidenti”nin siyasətinin uğursuzluğu anlamına gəlir”, - Slutski bildirib.

Onun sözlərinə görə, seçki yarışında nə “sanksiyalar”, nə “Qərbin himayəsi”, nə də “Kerç boğazı təxribatı” Poroşenkoya kömək edib.

Qeyd edək ki, Ukraynada keçirilən prezident seçkilərinin ilkin nəticələrinə əsasən, Vladimir Zelenski liderlik edir. Seçkilərin ikinci turunun keçiriləcəyi və Zelenski ilə Poroşenkonun ikinci turda mübarizə aparacağı gözlənilir.