Türkiyənin Uşak vilayətində 4 kəndin sakinləri təcili təxliyə edilib. Minlərlə sakin müvəqqəti düşərgələrə və otellərə yerləşdirilib. Məktəblərdə tətil elan edilib. İş yerləri bağlanıb.

Axar.az Publika.az-a istinadla xəbər verir ki, buna səbəb vilayətdəki nəhəng su bəndində çatların əmələ gəlməsidir. Məlumata görə, mütəxəssislər ötən gün əmələ gələn çatların təhlükəli səviyyədə olduğunu bildiriblər. Təhlükəni aradan qaldırmaq üçün hərəkətə keçən müvafiq qurumlar bənddə hündürlüyü 25 metrə çatan suyu boş ərazilərə boşaldırlar. Bənddə suyun səviyyəsi 2 metrə qədər azalıb.

Problemi aradan qaldırılması üçün bir neçə günə ehtiyac var.