Ukraynanın ABŞ-ın "Javelin" tank əleyhinə raketlərindən də güclü silahı var.

Axar.az xəbər verir ki, bunu Ukrayna parlamentinin milli təhlükəsizlik və müdafiə məsələləri komitəsinin katibi İvan Vinnik "kanal 24"-ə verdiyi açıqlamasında deyib.

O, bildirib ki, Ukrayna Milli Təhlükəsizlik və Müdafiə Şurasının hərbi kabinetinin iclası zamanı ölkənin hərbi-sənaye kompleksinin daha effektli istifadəsi müzakirə olunub.

Deputatın sözlərinə görə, Ukraynanın çox güclü silahları var, lakin anti-terror əməliyyatlarında istifadə etmir.

"Biz ABŞ-dan uçan silahlar istəyirik, amma bizim Ukraynada "Stuqna" tank əleyhinə raket kompleksi hazırlayan "Luç" konstruktor bürosu var. Onlar texniki-taktiki xarakterlərinə görə, "Javelin"ləri üstələyir. Bu büro ildə 700 ədəd belə kompleks hazırlaya bilər" – Vinnik bildirib.

Vinnik qeyd edib ki, bu raket kompleksləri Donbasdakı hadisələrin gedişini dəyişə biləcək qədər güclü silahlardır.