10:18

ABŞ Rusiyaya qarşı yeni sanksiyalar tətbiq edib.

Axar.az xəbər verir ki, bu məlumatı Ağ Evin Mətbuat Xidməti yayıb. Sanksiyaların Rusiya hökuməti və kəşfiyyat xidmətlərinin ABŞ-ın maraqları və suverenliyinə qarşı fəaliyyətinə görə qəbul edildiyi bildirilib. Yeni sanksiyalara əsasən, ABŞ-dan Rusiyanın 10 diplomatı çıxarılacaq.

Bununla bərabər 14 iyundan etibarən ABŞ maliyyə müəssisələrinə Rusiya dövlət istiqrazlarını almaq qadağan olunacaq. Sanksiyalar rubl və rubl olmayan istiqrazların hamısına aid ediləcək.

ABŞ həmçinin Rusiyanın 32 vətəndaşı və təşkilatına da sanksiya tətbiq edib. Bu siyahıda yer alanların 6-sını texnologiya şirkətləri təşkil edir.