Türkiyənin Enerji və Təbii Sərvətlər naziri Taner Yıldız Türk axını layihəsi ilə bağlı razılıq sənədini Rusiyaya göndərdiklərini açıqlayıb.

Axar.az "Röyter"ə istinadən xəbər verir ki, nazir Moskvadan cavab gözlədiklərini deyib:

"Rusiyadan idxal edilən qazın qiyməti son 5-6 ayda 8 faiz ucuzlaşıb. Kəmərin inşasına iyun ayında başlamalı idik. Ancaq layihə hələ də müzakirə mərhələsindədir. Sənəd Moskvaya göndərilib, cavab gözləyirik".

Bu arada Rusiya Enerji Nazirliyindəki bir mənbə "Ria Novosti"yə Türkiyədən razılaşma sənədi almadıqlarını açıqlayıb. O, bu yaxınlarda Ankaradan Türk axını ilə bağlı hər hansı bir sənədin göndərilmədiyini deyib.