Geopolitik qarşıdurmada ABŞ-ın partnyorları onu tək qoydu.

Bu sözləri Axar.az-a politoloq Adıgözəl Məmmədov deyib.

Ekspertin fikrincə, ABŞ-ın Suriya siyasətində təkbaşına qalmasının səbəbi riyakar mövqeyindən irəli gəlir:

"Türkiyə terrorçulara qarşı mübarizədə tək buraxıldı. Amerika bildirir ki, mənim tanıdığım terrorçunu bütün NATO dövlətləri terrorçu kimi tanımalıdır. Terrorçular Türkiyəyə qarşı əməliyyatlara başlayıbsa, bu, artıq NATO-ya təhdiddir.

Türkiyə tərəfi də bildirir ki, artıq dövlətçilik baxımından ölkə təhlükə altındadır. NATO sadəcə olaraq quru bəyanatlarla, heç bir addım atmamaqla sadəcə Türkiyəni sözdə dəstəkləyir.

Türkiyəni qızışdırırlar ki, rus təyyarələrini vursun. Əgər rus təyyarələrini Türkiyə vursaydı, NATO heç bir müdaxilə etməyəcəkdi".

Analitik qeyd edir ki, ABŞ təkcə Türkiyəyə qarşı ikiüzlü siyasət yeritmir: "Bu siyasət aparıcı Avropa dövlətlərinə qarşı da həyata keçirilir".