Müstəqil Dövlətlər Birliyində terrorçu fəaliyyətinə görə 4262 nəfərin axtarışı elan edilib.

Axar.az xəbər verir ki, bunu Rusiya Antiterror Mərkəzinin rəhbəri general-polkovnik Andrey Novikov MDB ölkələrinin Milli Antiterror Mərkəzləri rəhbərlərinin IX iclasında çıxışı zamanı söyləyib. Onun sözlərinə görə, keçən ilin sonu və bu ilin əvvəlindən etibarən Rusiya ərazisində terrora qarşı əməliyyatlar keçirilir:

"Bu əməliyyatın konkret müddəti yoxdur. Biz çalışırıq ki, MDB hüquq mühafizə orqanları terror qruplaşmalarının maskanlanmış nümayəndələrini aşkar etsinlər. MDB ölkələri xüsusi xidmət orqanlarının qarşılıqlı fəaliyyətində əsas istiqamətlərdən biri yatmış terrorçu hücrələrinin aşkarlanması olacaq".

Qeyd edək ki, MDB ölkələrinin Milli Antiterror Mərkəzləri rəhbərlərinin IX iclası Moskvada keçirilir. İclas dünən start götürüb.