Neft bazarlarında qiymətləri stabilləşdirmək üçün OPEK ölkələrinə yeni təkliflər göndərəcəyik.

Axar.az xəbər verir ki, bu barədə Venesuela Prezidenti Nikolas Maduro deyib.

"Neft hasil edən ölkələr bazarlara nəzarət etməli və qiymətləri stabilləşdirməlidir", - Maduro bildirib.

O, OPEK-ə göndəriləcək təkliflərin detalları barədə isə heç bir məlumat verməyib.

Qeyd edək ki, fevralın 16-da Səudiyyə Ərəbistanı, Rusiya, Venesuela və Qətər neft hasilatını 11 yanvar 2016-cı il səviyyəsində saxlamaq barədə razılaşıb. Venesuelanın Neft naziri Euloxio Pino Ekvador, Əlcəzair, Nigeriya, Oman və Küveytin bu qərarı dəstəklədiyini açıqlayıb. İran isə hasilatı dondurub-dondurmayacağını açıqlamadan sazişi dəstəklədiyini bildirib.

Birjalarda neftin qiyməti 2014-cü ilin iyulundan ucuzlaşmağa başlayıb. Ucuzlaşmanın başlıca səbəbi kimi isə hasilatın çoxluğu göstərilir.