İran və Səudiyyə Ərəbistanının yüksək səviyyəli hərbi rəhbərləri Tehranda keçirilən görüşdə iki ölkə arasında daha sıx əməkdaşlıq planlarını müzakirə edib.

Axar.az xəbər verir ki, bu barədə “Tasnim” məlumat yayıb.

Məlumata görə, Səudiyyə Ərəbistanı Silahlı Qüvvələrinin Baş Qərargah rəisi, general-leytenant Fəyyad bin Hamid ər-Ruveyli yüksək rütbəli hərbi nümayəndə heyəti ilə İrana səfər edib:

"O, İran Baş Qərargah rəisi general-mayor Məhəmmədhüseyn Bagiri ilə danışıqlar aparıb. Onlar hərbi diplomatiyanın genişləndirilməsi və iki müsəlman ölkəsi arasında əməkdaşlığın təşviqi də daxil olmaqla bir sıra məsələləri müzakirə ediblər".