Əgər heç kim Putini dayandırmasa, o, Moldovaya, sonra isə Rumıniyaya girə bilər.

Axar.az xəbər verir ki, bu sözləri Fransa Prezidenti Emmanuel Makron deyib.

O vurğulayıb ki, ABŞ və Ukrayna prezidentləri arasında mübahisədən sonra ABŞ-ın Ukrayna ilə də dialoqu bərpa etməkdən başqa çarəsi yoxdur:

“Amerikalıların taleyi ukraynalıların tərəfində olmaqdır, buna heç bir şübhəm yoxdur. Birləşmiş Ştatların son üç ildə gördüyü işlər onun diplomatik və hərbi ənənələrinə tamamilə uyğundur. Mən amerikalılara izah etmək istəyirəm ki, Ukraynadan qopmaq onların maraqlarına uyğun deyil”.

Makronun fikrincə, Prezidenti Vladimir Putinin başçılıq etdiyi Rusiya Avropa üçün həmişəkindən daha çox ekzistensial təhlükədir:

“Ona görə də düşmənlə bağlı səhvə yol verməyin. Təhlükəsizliyimiz təhlükə altındadır”.