Rusiyanın müvəqqəti Pasxa atəşkəsi elan etməsini nəzərə alırıq.

Axar.az xəbər verir ki, bu sözləri BMT Baş katibinin rəsmi nümayəndəsi Stefan Düjarrik deyib.

“Biz ardıcıl olaraq Ukraynada davamlı atəşkəsə çağırmışıq və BMT-nin müvafiq qanunlarına və BMT Nizamnaməsinə uyğun olaraq suverenliyə, müstəqilliyə və ərazi bütövlüyünə tam hörmət edən ədalətli, davamlı və hərtərəfli sülhün bərqərar edilməsi üçün səylərə dəstəyimizi bir daha təsdiq edirik”, - Düjarrik bəyan edib.

Qeyd edək ki, Rusiya Pasxa bayramı ilə əlaqədar Ukraynada bütün hərbi əməliyyatları bu gün saat 18:00-dan 21 aprel saat 00:00-a qədər dayandırdığını elan edib.