Çox yaxşı bir görüş oldu. Təkbətək formatda bir çox mühüm məsələləri müzakirə etməyə nail olduq. İnanırıq ki, toxunulan bütün mövzular üzrə konkret nəticələr əldə ediləcək.

Axar.az xəbər verir ki, bu sözləri Ukrayna Prezidenti Vladimir Zelenski ABŞ lideri Donald Trampla görüşü haqqında danışarkən deyib.

“Əsas prioritetimiz xalqımızın həyatının qorunmasıdır. Atəşkəsin tam və qeyd-şərtsiz təmin olunması, müharibənin təkrarlanmasına yol verməyəcək etibarlı və davamlı sülhün bərqərar olunması əsas hədəfimizdir. Bu görüş, ortaq nəticələrə nail olunacağı təqdirdə, tarixi xarakter daşıya bilər. Prezident Donald Trampa təşəkkür edirəm!", - Zelenski Teleqram kanalında yazıb.