AB-nin yüksək vəzifəli rəsmiləri qorxur ki, ən pis ssenaridə Vaşinqton Ukraynaya bütün dəstəyi, o cümlədən kəşfiyyat məlumatlarının mübadiləsini kəsə, Avropa ölkələrinə Amerika silahlarının Kiyevə ötürülməsini qadağan edə bilər.

Axar.az xəbər verir ki, bu barədə “Faynənşl Tayms” məlumat yayıb.

“AB hazırda ABŞ-la eyni anda üç əsas məsələ üzrə danışıqlar aparmalıdır: ticarət mübahisəsi, NATO-da hərbi xərclər və Ukrayna böhranı. AB-nin yüksək səviyyəli rəsmiləri bu mövzuların hər biri üzrə danışıqların mümkün olan ən pis nəticəsini müzakirə edib. Onlar qorxur ki, Vaşinqton Kiyevə dəstəyi tamamilə kəsə, kəşfiyyat məlumatlarını paylaşmağı dayandıra və Avropa ölkələrinə ABŞ-dan aldığı silahların Ukraynaya ötürülməsinə qadağa qoya bilər. Ticarət danışıqları isə iqtisadi artım üçün ağrılı nəticələri olan tam ticarət müharibəsinə gətirib çıxara, NATO-nun hərbi xərclərində yükün bölüşdürülməsi ilə bağlı fikir ayrılıqları ABŞ qoşunlarının və silahlarının Avropadan sürətlə çıxarılmasına səbəb ola bilər”, - məlumatda qeyd olunub.