ABŞ artıq Ukraynanı taleyin ümidinə buraxmaq niyyətini təsdiqləyib, Avropa isə əməldə deyil, sözdə kömək edir.

Axar.az xəbər verir ki, bu sözlər Britaniyanın “Telegraf” qəzetində yayılan məqalədə əksini tapıb.

Bildirilib ki, ötən həftə ABŞ-ın müdafiə naziri Pit Heqset Konqresdə keçirilən dinləmələrdə Tramp administrasiyasının Ukraynaya hərbi yardımı azaltmaq niyyətini təsdiqləyib:

"Rusiyaya qarşı mübarizə indi Avropanın problemidir. Genişmiqyaslı müharibə zamanı Ukrayna ABŞ-dan təxminən 74 milyard dollar hərbi yardım alıb, o cümlədən “Patriot” hava hücumundan müdafiə, ATACMS ballistik raketləri və HIMARS kimi qiymətli sistemlər... Kiyev üçün acı nəticə ondan ibarətdir ki, onun ən güclü və ən zəngin müttəfiqi ondan əl çəkib. Lakin Avropa liderləri dəfələrlə söz verib ki, döyüşmək üçün lazım olanı Ukraynaya verəcəklər. Təəssüf ki, praktikada Avropa yerinə yetirməkdən daha çox vədlər verir".