Səhiyyə naziri Oqtay Şirəliyev Oğuz rayonunda 6 rayonun sakinləri üçün qəbul keçirəcək.

Nazirlikdən Axar.az-a verilən məlumata görə, qəbul 18 sentyabr tarixində saat 12:00-da Oğuz Mərkəzi Rayon Xəstəxanasında keçiriləcək.

Nazir Oğuz vətəndaşları ilə yanaşı Qəbələ, Şəki, Zaqatala, Qax və Balakən rayonlarından olan vətəndaşları qəbul edəcək. Qəbulda səhiyyə sahəsinə dair vətəndaşları maraqlandıran suallar cavablandıracaq.

Həmçinin, sakinlərin müraciətləri, şikayət, təklif və fikirləri nazir tərəfindən dinləniləcək, lazımi tədbirlər görüləcək.

Qəbula yazılmaq istəyən vətəndaşlar Oğuz Mərkəzi Rayon Xəstəxanasına müraciət edə bilərlər.