“Qazprom eksport”la Vyana görüşü standart danışıqlardan biri olacaq. Təəccüblü heç nə gözləməyin.

Axar.az xəbər verir ki, bunu jurnalistlərə açıqlamasında Gürcüstanın İqtisadiyyat naziri Georgi Qaxariya söyləyib.

Qeyd edək ki, bu gün Vyanada Gürcüstan Baş nazirinin müavini Kaxa Kaladze “Qazprom eksport”un nümayəndələri ilə görüşəcək. Tiflisin “Qazprom”la görüşləri artıq iki ildir aktiv şəkildə davam edir. Gürcüstan hakimiyyətinin “Qazprom”dan əlavə qaz almaq istəyi (“Qazprom” Gürcüstanın qaza olan tələbatının 10%-ni ödəyir – red.) gürcü xalqının kəskin etirazına səbəb olmuşdu. Nəticədə Tiflis yenidən ölkənin əsas qaz təminatçısı SOCAR-la razılaşmışdı.

Gürcüstan Neft və Qaz Şirkətinin səhmlərinin 25%-ni satışa çıxarıb. Ölkə mətbuatı səhmlərin alınmasına yalnız SOCAR-la “Qazprom”un əsas namizəd olduğunu açıqlayıb. Üstəlik, artıq İrəvan da Ermənistana qaz nəql edən magistral kəmərin sahibi olan şirkətin səhmlərinin potensial alıcısı qismində SOCAR-ın olmasından narahatlığını ifadə edib. Ehtimal edilir ki, Kaladze “Qazprom”la Vyanada məhz bu məsələni də müzakirə etməyi planlaşdırır.