Malayziya xarici işlər nazirinin müavini Kəmərüdin Cəfər bu həftə Azərbaycana işgüzar səfər edəcək.

Axar.az xəbər verir ki, İordaniya səfərindən sonra Bakıya gələcək nazir müavininin burada xarici işlər naziri Ceyhun Bayramovla görüşü nəzərdə tutulub. Görüşdə iki ölkə arasındakı əməkdaşlığın daha da genişləndirilməsi, o cümlədən koronavirus pandemiyasından sonrakı dövrdə iqtisadi və ticarət əlaqələrinin gücləndirilməsi müzakirə olunacaq.

Səfər yanvarın 23-də başa çatacaq.

Qeyd edək ki, iki ölkə arasında 2021-ci ilin yanvar – oktyabr dövründəki ticarət dövriyyəsi 28,8 milyon dollar təşkil edib.